الفراخ المقرمشة
Fried chicken
يعنى أحلى قرمشة من برة وألذ طعم من جوه
الطريقة
دجاجة وزن كيلو وربع مش أكبر من كده مقطعة ٨ قطع .
نغسلها كويس جدا ونحطها فى محلول النقع للتخلص من الزفارة.
نتبل الفراخ بكوب ماء و تتبيلة البروستد الجاهزة.
أو بالتوابل دى لو مش متوفر التتبيلة الجاهزة: معلقة من كل من (فلفل اسود _بصل بودرة _ثوم بودرة _ببريكا _جنزبيل_شطة _مرقة دجاج فورية) .
نسيبها فى التلاجة ٦ ساعات على الاقل ويفضل قبلها بيوم .
نصفى الفراخ من التتبيلة .
نجهز مكونات التغطية :
نحضر طبق دقيق ونضع عليه معلقتين من التتبيلة الجاهزة ونقلبهم مع بعض كويس
طبق تانى نضع فيه ماء ساقع .
نضع قطعة الدجاج فى الدقيق وغطيها كويس جدا بالدقيق
ننزل بالقطع فى الماء الساقع ونطلعها بسرعة .
ننزل بيها فى الدقيق مره أخرى ونخبط عليها بإدينا كده بحيث تعمل الشكل المميز للفراخ المقرمشة الجاهزة .
نكون حاطين حلة فى زيت غزير على النار .
نقلي قطع الفراخ فى زيت متوسط السخونة واول ما يغلى نهدى النار شوية ونسيب الفراخ تتقلى لمدة ٢٠ دقيقة .
نطلعها من الزيت على مناديل مطبخ لامتصاص الزيت الزائد .
بنقلى قطعتين أو ٣ قطع مع بعض مش أكتر علشان الزيت ما يبردتش.
نخلص كمية الفراخ كلها .
تقدم مع أرز الريزو وسلطة كول سلو وصوص باربيكيو .
جربوها هتعجبكم جدا
تعليقات: 0
إرسال تعليق