طريقة عمل تورتة موس المانجو
 |
| طريقة عمل تورتة موس المانجو |
أولا توبنج المانجو
المقادير
- ٢ كيلو مانجة متقطعة مكعبات
- ١كوب عصير مانجو معصور بدون ماء
- نص كوب سكر
- باكيت چلى مانجو أدوبه فى نص كوب ماية سخنة
- عصير نص ليمونة
الطريقة
هنضيف الجيلى وعصير الليمون والسكر على عصير المانجو ونقلبهم كويس ونرفعهم على النار مع التقليب المستمر حتى الغليان
بعد غليان الخليط نضيف قطع المانجو ونقلبها ونسيبها تغلى كويس
كده معانا توبنج المانجو
ثانيا الكيك الاسفنجى
المقادير
- ٧ بيضة مفصولين البياض عن الصفار
- كوب ونص سكر بودرة (مقسوم نصفين)
- كوب ونص دقيق منخول ٣ مرات +٢معلقة كبيرة نشا
- معلقة خل
- باكتين فانيليا
- رشة ملح
الطريقة
فى بولة نضيف رشة الملح على بياض البيض ونخفقه كويس بالمضرب الكهربي حتى نلاحظ تكون الفوم
نضيف كوب إلا ربع سكر بالتدريج مع الاستمرار فى الخفق حتى يصبح الخليط متماسك مثل الكريم شانتيه
نقوم بخفق صفار البيض فى بولة تانية ونضيف عليه معلقة خل والڤانيليا ونخفقه كويس جدا مع إضافة كوب إلا ربع سكر بالتدريج حتى يصبح اللون اصفر فاتح
نضيف بياض البيض والدقيق بالتبادل مع التقليب بمعلقة خشب او سليكون
نقلب بالراحة من تحت لفوق علشان الهوا اللى فى بياض البيض ميخرجش
نضع خليط الكيك فى صنيه سهلة الفتح متبطنة ورق زبدة
نضع الصنيه فى فرن مسبق التسخين على ١٨٠
منفتحش الفرن قبل نصف ساعة
بعد ما نختبرها ونتأكد من تمام النضج نتركها تبرد
ثالثا موس المانجو
المقادير
- كيلو عصير مانجو بيوريه
- باكت جيلى مانجو
- نص كوب لبن ساقع
- نصف كوب كريم شانتيه خام
- ٤ ملاعق كبار حليب مكثف محلى
الطريقة
ندوب الجيلى فى كوب إلا ربع ماء ساخن ونتركه يبرد
نضيف اللبن على الكريم شانتيه ونخفقه كويس جدا ثم نضيف الحليب المكثف المحلى
نضع خليط الجلى على عصير المانجو ونقلب كويس
نضيف الكريم شانتيه على العصير وتقلبيه كويس جدا بالمضرب اليدوى حتى يتجانس الخليط
نضيف طبقة الموس على طبقة الكيك ونتركها تبرد فى التلاجة وتتماسك لمدة ٦ ساعات
نحضر الطبقة اللامعة :
ندوب ٢ باكيت چلى مانجو فى كوب إلا ربع ماء ساخن ونتركه يبرد ثم نضيفه على طبقة الموس وندخلها التلاجة حتى تتماسك
وبعدين نزين بالتوبينج ويقدم
بألف هنا
تعليقات: 0
إرسال تعليق