طريقة عمل بسكوت السابليه
بسكوته لذيذة وطريقتها سهلة وممكن تغطى كل المناسبات زى الأعياد وأعياد الميلاد وطريقة تقديمها بأشكال مختلفة بيخليها فيها شىء من التزيين للأصناف اللى جنبه
المقادير
- ٤٧٥ جرام دقيق متعدد الاغراض
- ٣٠٠ جرام زبدة
- ٢٠٠ جرام سكر بودرة
- بيضة كاملة + صفار بيضة
- ربع معلقة صغيرة بيكنج باودر
- معلقة صغيرة فانيليا سايلة
- رشة ملح
الطريقة
- نخفق السكر و الزبدة بالمضرب الكهربي حتى الحصول على قوام كريمى
- نقوم بإضافة البيض و الفانيليا ونخفقهم حتى يمتزجوا
- نضيف الملح والبيكنج باودر على الدقيق ونخلطهم
- نبدأ نضيف الدقيق حبه بحبه ونلم العجينه بالاسباتيولا أو بأطراف الاصابع
- لو عايزين نشكل جزء من العجينه بالكاكاو
- ننقص جزء من العجينه قبل ما نضيف آخر حبة دقيق ونضيف عليها معلقتين كاكاو ونلم العجينه
- نظبط قوام العجينه البيضا ونغطي باسترتش وندخلها ساعة التلاجة
- نفرد العجينه بالنشابة بين كيسين بسمك رفيع جدا ونقطعها بفطاعات ونرصها فى صينيه متبطنة ورق زبدة
- تدخل فرن مسبق التسخين على درجة حرارة ١٧٠ من غير مانشعل الشواية ربع ساعة أو لغاية ما الارضيه تصفر
- نطلعها من الفرن ونسيب السابلية يبرد تماما قبل ما نحركه من على الصينية
- بعد ما يبرد ازينه بالشيكولاتة أو مربي أو توفى
تعليقات: 0
إرسال تعليق