أولا ماحدش يدعى على
اللى عامل دايت مايكملش الموضوع
المقادير
4 كوب دقيق
ملعقة كبيرة خميرة
ملعقة كبيرة بيكينج باودر
نصف كوب سكر
رشة ملح
صفار بيضة
ربع كوب زيت
كوب حليب دافئ
2 ملعقة كبيرة كريم شانتيه
ملعقة كبيرة عجينة يابانية
2ملعقة كبيرة لبن بودرة(إختيارى)
الطريقة
تخلطى كل المكونات السابقة جيدا ماعدا اللبن
تضيفى اللبن بعد خلط الكونات بشرط يكون دافى ( مش ساخن ولا بارد )
نستمر بالعجن لمدة ربع ساعة ( ماتزهقيش وطلعى غلك فى العجينة )
هانسيبها ساعتين تخمر فى مكان دافى
نفرد العجينة على زيت ( تدهنى مكان الفرد زى الرخامة مثلا بالزيت وتفرد بالنشابة بشكل مستطيل)
نفرد العجينة بسمك معقول ( حوالى 1 سم مثلا ) مش رقيقة ولا سميكة
الحشو
100 جرام زبدة بدرجة حرارة الغرفة
ثلث كوب قرفة
3 ملعقة كبيرة كاكاو خام أسبانى
كوب سكر بنى ( لو مافيش ممكن كباية سكر أبيض على معلقة عسل أسمر وتفركيهم مع بعض )
فى الأول هانفرد الزبدة اللينة على سطح العجينة
ونفرد فوقها السكر والقرفة والكاكاو طبقات فوق بعضها
ونضغط بإيدنا نثبت الحشو
نلفها شكل رول
نقطعها بخيط علشان نحافظ على الشكل والطبقات ( بلاش بالسكينة )
نرصها فى صينية مدهونة زبدة
لازم تراعى المسافات بين القطع لانها لسة هاتزيد لما تخمر
تغلفى الصينية بالاستريتش وتسيبيهل تخمر نص ساعة كمان
نشغل الفرن على درجة حرارة 200 قبل مانحط الصينية بربع ساعة
وبعدين نظبطه على درجة حرارة 180 بدون تشغيل الشواية
هياخد تقريبا من 15 إلى 20 دقيقة مش أكتر من كده علشان ماينشفش
التوبينج ( الصوص)
4 ملاعق جبنة كيرى
كيس كريم شانتيه
وتضيفى اللبن على حسب القوام المطلوب
ونضرب فى الخلاط
بعد ماتطلعى السينابون من الفرن هانحط جزء من الصوص مباشرة ونترك باقى الصوص لوقت التقديم
صوص التوفى
كوب سكر يوضع فى صاسة على النار ولما يسيح على نار هادية نحط ملعقة زبدة ونقلب
ثم نضع علبة كريمة خفق
ولما يغلى نطفى عليه ( أحلى صوص توفى )
ملحوظة
العجينة اليابانية عبارة عن 3 ملاعق كبيرة دقيق منخول متدوبين فى نص كوب ماء دافئ ويرفع على النار مع التقليب المستمرحتى نحصل على عجينة جيلاتينية.
والعجينة دى فايدتها إنها بتخلى المعجنات طرية لفترة طويلة
بالهنا والشفتشى
تسلم ايدك
ردحذفتسلميلى ❤️😍
حذفايه الحلااوه دي بجد ماشاء الله تحفااا والصوص يجنن
ردحذفكلك ذوق ياقلبي 😍 😍
حذفاحلا سمسم واحلا اكلات وحلويات ولسه
ردحذفحبيبة قلبي تسلميلى يارب
حذفويارب أفضل عن حسن ظنكم ياجميل ❤️ ❤️
شكله شهى جدا تسلم ايدك ياجميل
ردحذفحبيبتى تسلميلى ده من ذوقك
حذفتسلم ايدك ياسمسمتي ❤️
ردحذفتسلمى ياجميل
حذف